ভাৰতৰ শীৰ্ষ বাছনি প্রাপ্ত তনভী শর্মাই গুৱাহাটীত অনুষ্ঠিত বি ডব্লিউ এফ বৰ্ল্ড জুনিয়ৰ বেডমিন্টন চেম্পিয়নশ্বিপৰ মহিলাৰ ছিংগলছৰ ছেমি ফাইনেলত প্রবেশ কৰি পদক নিশ্চিত কৰিছে। তনভী শর্মাই আজি কোৱাৰ্টাৰ ফাইনেলত জাপানৰ শ্বাকি মাটছুমটোক ১৩-১৫, ১৫-৯, ১৫-১০ গেমত পৰাস্ত কৰে। অৱশ্যে ভাৰতৰ আন এগৰাকী খেলুৱৈ উন্নতি হুদা থাইলেণ্ডৰ অন্যাপট ফিচিটফোনৰ হাতত ১২-১৫, ১৩-১৫ গেমত পৰাজিত হৈ প্রতিযোগিতাৰ পৰা বাহিৰ হৈছে। একেদৰে মিক্সড্ ডাবলছত ভাব্য ছাব্রা আৰু বিশাখা টপ্পোৰ যুটাটো আজি চীনা টাইপেইৰ হাং বিংফু আৰু শ্বৌ য়ুন য়ানৰ হাতত ৯-১৫, ৭-১৫ গেমত পৰাজিত হয়।