ভাৰতৰ স্বাত্বিক ছাইৰাজ ৰণকিৰেড্ডী আৰু চিৰাগ চেট্টীৰ যুটীটোৰ লগতে অলিম্পিকত পদক অর্জন কৰা পি ভি সিন্ধুৱে পেৰিচত চলি থকা বি ডব্লিউ এফ ৱৰ্ড চেম্পিয়নশ্বিপছ বেডমিণ্টন প্রতিযোগিতাৰ প্ৰি- কোৱাৰ্টাৰ ফাইনেলত প্ৰৱেশ কৰিছে।
প্ৰতিযোগিতাত নৱম বাছনিপ্ৰাপ্ত ভাৰতীয় যুটীটোৱে কালি চীনা টাইপেইৰ লিউ কুৱাং হেং আৰু ইয়াং পো হানৰ যুটীটোক ২২–২০, ২১-১৩ ফলাফলত পৰাস্ত কৰে। প্রি-কোৱাৰ্টাৰ ফাইনেলত ভাৰতীয় যুটীটোক চীনৰ ষষ্ঠ বাছনিপ্ৰাপ্ত লিয়াং ৱেই কেং আৰু ৱাং চাঙৰ যুটীটোৰ মুখামুখি হ‘ব।
একেদৰে মহিলাৰ ছিংগলছত আগশাৰীৰ খেলুৱৈ পি ভি সিন্ধুৱে মালয়েছিয়াৰ প্ৰতিদ্বন্দ্বী কাৰুপাথিভান লেটচানাৰ বিৰুদ্ধে ২১–১৯, ২১-১৫ ফলাফলত বিজয় অৰ্জন কৰে। সিন্ধুৱে প্ৰথম গেমত ১২-১৮ ফলাফলত পিছপৰি থকা স্বত্বেও ক্ৰমাগতভাৱে ছটা পইণ্ট অৰ্জন কৰি ধ্ৰুপদী প্ৰত্যাৱৰ্তন কৰে।
ইপিনে মিক্সড ডাবলছত ভাৰতৰ ষষ্ঠদশ বাছনিপ্রাপ্ত ধ্ৰুৱ কপিলা আৰু তানিছা ক্ৰাষ্ট’ৱেও আয়াৰলেণ্ডৰ জছুৱা মাগি আৰু ময়া ৰিয়ানক পৰাস্ত কৰি প্ৰি-কোৱাৰ্টাৰ ফাইনেলত প্ৰৱেশ কৰিছে। এই পৰ্যায়ত যুটীটো টাং ছুন মান আৰু ছে ইং ছুৱেৰ্টৰ বিৰুদ্ধে অৱতীৰ্ণ হ‘ব।
প্রতিযোগিতাত আজি পুৰুষৰ ছিংগলছত তাৰকা খেলুৱৈ এইচ এছ প্ৰণয় আৰু মিক্সড ডাবলছত ৰোহন কাপুৰ আৰু ৰুথৱিকা শ্বিবানী গাড্ডেৰ যুটীটো প্রি-কোৱাৰ্টাৰ ফাইনেলত প্ৰৱেশৰ লক্ষ্যৰে খেলত অৱতীৰ্ণ হ‘ব।