ৰাজ্যৰ ১২ হাজাৰ ৩৭৫ খন বিদ্যালয়ত আজি গুণোৎসৱ ২০২৫ৰ তৃতীয় পৰ্যায় আৰম্ভ হৈছে। ডিব্ৰুগড়, বিশ্বনাথ, দৰং, মৰিগাঁও, বঙাইগাঁও, কাচাৰ, ডিমা হাছাও, গোৱালপাৰা, মাজুলী আৰু নলবাৰীত অহা ৭ ফেব্ৰুৱাৰীলৈ তৃতীয় পৰ্যায়ৰ গুণোৎসৱ অনুষ্ঠিত হ’ব। তদুপৰি কোকৰাঝাৰ আৰু ওদালগুৰি জিলাৰ পূৰ্বে ৰৈ যোৱা একাংশ বিদ্যালয়তো গুণোৎসৱ সম্পন্ন হ’ব। আজি স্ব-মূল্যায়ন আৰু কাইলৈৰ পৰা ৭ ফেব্ৰুৱাৰীলৈ বহিঃমূল্যায়ন কৰা হ’ব। মুঠ ৪ হাজাৰ ৯৬৭ গৰাকী বহিঃমূল্যায়কে ১১ লাখ ৩৮ হাজাৰ ২৭৫ গৰাকী শিক্ষাৰ্থীৰ বহিঃমূল্যায়ন কৰিব।