অসম মন্ত্রীসভাই অহা এপ্ৰিলৰ ভিতৰত ৰাভা-হাচং স্বায়ত্ব পৰিষদৰ নিৰ্বাচন অনুষ্ঠিত কৰাৰ বাবে সিদ্ধান্ত গ্ৰহণ কৰিছে। আনহাতে মিচিং স্বায়ত্ব পৰিষদ, ঠেঙাল-কছাৰী স্বায়ত্ব পৰিষদ, সোণোৱাল কছাৰী স্বায়ত্ব পৰিষদ, দেউৰী স্বায়ত্ব পৰিষদ আৰু বড়ো কছাৰী স্বায়ত্ব পৰিষদৰ নিৰ্বাচন অহা ছেপ্তেম্বৰত অনুষ্ঠিত কৰাৰ বাবে মন্ত্রীসভাই সিদ্ধান্ত লৈছে। মুখ্যমন্ত্রী ড° হিমন্ত বিশ্ব শৰ্মাৰ অধ্যক্ষতাত কালি দিছপুৰত অনুষ্ঠিত মন্ত্ৰীসভাৰ বৈঠকত এই সিদ্ধান্ত গ্ৰহণ কৰা হৈছে।