দেশৰ কৃষি ৰপ্তানি আৰু আমদানি সামর্থ শক্তিশালী কৰি তোলাৰ উদ্দেশ্যে জৱাহৰলাল নেহৰু বন্দৰত ভাৰতৰ প্ৰথমটো সংহত কৃষি ৰপ্তানি সুবিধা প্ৰদান কৰা হ’ব। বন্দৰ, জাহাজ আৰু জলপথ মন্ত্ৰী সৰ্বানন্দ সোণোৱালে ২৮৪ কোটি টকাৰো অধিক মূল্যৰ ৰাজহুৱা-ব্যক্তিগত অংশীদাৰীত্বৰ পদ্ধতিত ৰপ্তানি-আমদানিসহ ঘৰুৱা কৃষি সামগ্ৰী ভিত্তিত প্ৰক্ৰিয়াকৰণ আৰু সংৰক্ষণ সুবিধাৰ উন্নয়নৰ প্রকল্পত অনুমোদন জনাইছে। সোণোৱালে কৈছে যে এই সংহত কৃষি সুবিধাৰ উন্নয়ণে কৃষি সামগ্রী সুশৃংখলিত কৰিব, অপচয় হ্ৰাস কৰিব আৰু কৃষিজাত সামগ্ৰীৰ উন্নত মূল্য প্ৰদান কৰিব। তেওঁ আৰু কয় যে দেশৰ কৃষক তথা কৃষি ক্ষেত্ৰ সবলীকৰণ তথা উন্নীত কৰাৰ দিশত এয়া এক উল্লেখযোগ্য পদক্ষেপ। এই সুবিধাৰ জৰিয়তে মছলা, পিয়াঁজ, ঘেঁহু আদি সামগ্ৰী ৰপ্তানি কৰিব পৰা যাব।