প্রায় তিনি দশকৰ পাছত আগৰতলা আৰু শিলচৰৰ মাজত কাইলৈ পুনৰ বিমান সেৱা আৰম্ভ হ’ব। কালি সন্ধিয়া আগৰতলা আৰু পশ্চিমবংগৰ বাগড’গ্ৰাৰ মাজত পোনপটীয়া বিমান সেৱা আৰম্ভ হয়। ভাৰতীয় বিমানবন্দৰ প্ৰাধিকৰণৰ আগৰতলাৰ সহকাৰী মহাপ্ৰবন্ধক এছ হাউকিপ জেম্পুৱে কয়, যে এয়াৰ ইণ্ডিয়া এক্সপ্রেছে আগতৰতলাৰ মহাৰজা বীৰ বিক্ৰম বিমানবন্দৰৰ পৰা কালি সন্ধিয়া বাগড’গ্ৰালৈ বিমান সেৱা আৰম্ভ কৰে। তেওঁ লগতে কাইলৈৰ পৰা সপ্তাহত দুবাৰকৈ মঙলবাৰ আৰু শুকুৰবাৰে আগৰতলা আৰু শিলচৰৰ মাজত বিমান চলিব বুলি প্ৰকাশ কৰে। প্রায় ৩০ বছৰৰ পাছত উত্তৰ-পূৰ্বাঞ্চলৰ এই চহৰ দুখনৰ মাজত ইণ্ডিগ’ৱে বিমান সেৱা আৰম্ভ কৰিব। ইয়াৰ ফলত দেশৰ ১০ খন স্থানৰ সৈতে আগৰতলাৰ পৰা পোনপটীয়া বিমান যোগাযোগ গঢ়ি উঠিব।