দলিত তথা অনুসূচিত জাতিৰ লোকসকলৰ ন্যায়ৰ বাবে জীৱন উচৰ্গা কৰা ভাৰতৰত্ন সন্মানেৰে সন্মানিত ড০ ভীমৰাও আম্বেদকাৰৰ মৃত্যু তিথি আজি ৰাজ্যৰ বিভিন্ন অঞ্চলত পালন কৰা হয়। যোৰহাট জিলা অনুসূচিত জাতি মৰ্চাৰ উদ্যোগত পশ্চিম যোৰহাটৰ টীয়কত সৰুজ গাঁৱৰ ৰংগমঞ্চত অনুষ্ঠিত এই দিৱসৰ কাৰ্যসূচীত শ্ৰীশ্ৰী মায়ামৰা পুৰণিমাটি সত্ৰৰ সত্ৰাধিকাৰ ভৱানন্দ দেৱগোস্বামী, খুটিয়াপোতা মায়ামৰা সত্ৰৰ সত্ৰাধীকাৰ উপস্থিত থাকে। অনুষ্ঠানত
প্রাক্তন বিধায়ক ৰাণা গোস্বামীৰ লগতে প্রাক্তন বিধায়িকা সুশিলা হাজৰিকা, অনুসূচিত জাতি মৰ্চাৰ অসম প্ৰদেশৰ উপ-সভাপতি মৃদুপৱন দাসো উপস্থিত থাকি ড০ আম্বেদকাৰৰ জীৱন, কৃতি, সংঘৰ্ষৰ বিষয়ে আলোকপাত কৰে। আজিৰ এই সভাত কেইবাগৰাকী ব্যক্তিয়ে আনুষ্ঠানিকভাৱে ভাৰতীয় জনতা পাৰ্টীত যোগদান কৰে।
