ৰাষ্ট্ৰীয় ৰাজধানী দিল্লীত আজি বায়ুৰ গুণগত মান অতি নিম্নমুখী হৈ পৰিছে। পুৱাৰ ভাগত গড় বায়ুৰ গুণাগুণ সূচাংক এ কিউ আই আছিল ৩৯৫। ৰাষ্ট্ৰীয় প্ৰদূষণ নিয়ন্ত্রণ বোৰ্ডৰ তথ্য মতে ৰাজধানীখনৰ মুন্দকা অঞ্চলত এ কিউ আই ৪৩৮, ৱাজিপুৰত ৪৪১, আনন্দ বিহাৰ অঞ্চলত ৪৩৪, আলীপুৰত ৪১৬, পি কে পুৰামত ৪১৫, দ্বাৰকা চেক্টৰত ৪৩৯ ৰেকৰ্ড কৰা হৈছে । ভাৰতীয় বতৰ বিজ্ঞান বিভাগে অহা দুদিনত ৰাষ্ট্ৰীয় ৰাজধানী এলেকাত পুৱা আৰু নিশাৰ ভাগত ধোৱা আৰু ঘন কুঁৱলীয়ে আৱৰি ৰাখিব বুলি পূর্বাভাষ প্ৰকাশ কৰিছে।