ৰাছিয়াৰ মহাকাশচাৰী এলেক্সেই অৱচিনিন আৰু ইভান ৱাগনাৰ তথা আমেৰিকাৰ ডনাল্ড পেটীত আন্তঃৰাষ্ট্ৰীয় মহাকাশ কেন্দ্ৰত ৭ মহীয়া এটা অভিযানৰ অন্তত পৃথিৱীলৈ উভতি আহিছে। ৰাছিয়াৰ চয়ুজ এম এছ-২৬ মহাকাশযানখন এই তিনিওগৰাকী মহাকাশচাৰীসহ আজি পুৱাৰ ভাগত কাজাখস্তানৰ ঝেজকাজগানৰ দক্ষিণ-পূৱ প্ৰান্তত অৱতৰণ কৰে। ৰাছিয়াৰ ৰচকমমচ মহাকাশ সংস্থা তথা নাছাই এই তথ্য সদৰী কৰিছে। নাছাই প্ৰকাশ কৰা অনুসৰি মহাকাশযাত্রী তিনিওগৰাকীক কাৰাগাণ্ডাত বিশেষ তত্বাৱধানত ৰখা হৈছে।