● অসমীয়া সাহিত্যৰ পথ প্ৰদৰ্শক, গল্পকাৰ, নাট্যকাৰ, ঔপন্যাসিক, কবি, হাস্যৰসাত্মক লেখক তথা সমালোচক সাহিত্যৰথী লক্ষ্মীনাথ বেজবৰুৱাৰ আজি জয়ন্তী। ৰসৰাজ লক্ষ্মীনাথ বেজবৰুৱাৰ জয়ন্তী উপলক্ষে ঠায়ে ঠায়ে শ্রদ্ধা নিবেদন কৰা হৈছে।
প্ৰজ্ঞাৰ সাধনাৰে মাতৃভাষা আৰু সমাজ জীৱনক গৌৰৱান্বিত কৰা আধুনিক অসমীয়া ভাষা-সাহিত্যৰ মাৰ্গ দৰ্শনকাৰী ৰসৰাজ লক্ষ্মীনাথ বেজবৰুৱাৰ জয়ন্তী উপলক্ষে মুখ্যমন্ত্রী ড° হিমন্ত বিশ্ব শৰ্মাই শ্রদ্ধা জ্ঞাপন কৰিছে। ১৯৬৪ চনৰ আজিৰ দিনটোতেই নগাঁৱৰ আহঁতগুৰিত অসমীয়া সাহিত্যৰ ওজা সাহিত্যিক বেজবৰুৱাৰ জন্ম হৈছিল। ‘মোৰ জীৱন সোঁৱৰণ’, ‘বুঢ়ী আইৰ সাধু’, ‘কৃপাবৰ বৰুৱাৰ কাকতৰ টোপোলা’ আদি তেওঁৰ সাহিত্যক জীৱনৰ উল্লেখনীয় কীৰ্তিস্তম্ভ। ১৯২৪ চনত অনুষ্ঠিত অসম সাহিত্য সভাৰ তেওঁ সভাপতিৰ আসন অলংকৃত কৰিছিল। বাঁহী, জোনাকী আদি যুগান্তকাৰী আলোচনীসমূহৰ সম্পাদক হিচাপেও লক্ষ্মীনাথ বেজবৰুৱাই অসমীয়া ভাষা সাহিত্যলৈ অমূল্য বৰঙণি যোগাইছে।
