ৰঙিয়াৰ মৃত্যুঞ্জয় শিৱমন্দিৰৰ ২৫ বছৰ পূর্তি উপলক্ষে আজিৰে পৰা পাঁচ দিনীয়া বৰ্ণাঢ্য কাৰ্যসূচীৰে ৰঙিয়া শিৱমন্দিৰ প্ৰাংগণত শ্ৰীশ্ৰী মহা মৃত্যুঞ্জয় যজ্ঞৰ আয়োজন কৰা হৈছে। বৃহত্তৰ ৰঙিয়াৰ সনাতন ধৰ্মী লোকসকলৰ উপাসনাৰ অন্যতম কেন্দ্ৰস্থল এই শিৱমন্দিৰ প্ৰাংগণত আজি পুৱাৰ ভাগত সামূহিক চাফাই অভিযান, বেদধবনি আৰু জপ পৰ্ব অনুষ্ঠিত হয়। দিনৰ ভাগত নৰেন্দ্ৰ শৰ্মাৰ সভাপতিত্বত এখন ধর্মালোচনী সভা অনুষ্ঠিত হ’ব। মন্দিৰৰ ৰূপালী জয়ন্তী উপলক্ষে ৰাজ্যসভাৰ সাংসদ ভূবনেশ্বৰ কলিতাই মৃত্যুঞ্জয় নামৰ এখন স্মৃতি গ্রন্থও উন্মোচন কৰিব। আজি অনুষ্ঠানত নিমন্ত্রিত অতিথিৰূপে প্রজাপিতা ব্ৰহ্মকুমাৰী ঈশ্বৰীয় বিশ্ববিদ্যালয়ৰ মুখ্য সঞ্চালিকা জোনালি বেহেন উপস্থিত থকাৰ কথা। সন্ধিয়ালৈ নাগাৰা নামৰ আয়োজন কৰা হৈছে বুলিও উদ্যোক্তাসকলে জনাইছে।