● আকাশবাণী গুৱাহাটীৰ ৭৮ সংখ্যক প্ৰতিষ্ঠা দিৱস উপলক্ষে ৰঙিয়াৰ হৰদত্ত বীৰদত্ত ভৱনত কালি সন্ধিয়া আয়োজিত ওপজা দিনৰ সুবাস অনুষ্ঠানত আকাশবাণী গুৱাহাটী কেন্দ্ৰই ৰাষ্ট্ৰপতি পুৰস্কাৰ প্ৰাপ্ত কৃতি শিক্ষক, লেখক ৮২ বছৰীয়া আনন্দ দেব গোস্বামী, কামৰূপীয়া ঢুলীয়া শিল্পী ৰঙিয়া বালিসত্র নিবাসী প্রভাত দাস, প্রাক্তন ৰাষ্ট্ৰীয় খেলুৱৈ সুভাষ চৌধুৰী, সেনাবাহিনীৰ অৱসৰপ্ৰাপ্ত লেফটেনেণ্ট জেনেৰেল ৰাণা প্রতাপ কলিতা, আকাশবাণী গুৱাহাটীৰ প্ৰাক্তন কামৰূপ জিলাৰ সংবাদদাতা ৰঙিয়াৰ বিশিষ্ট সাংবাদিক তাপস চমাদ্দাৰক সম্বৰ্ধনা জনায়।
গধূলি ৬ বজাৰ পৰা সংগীতানুষ্ঠানৰ আয়োজন কৰা হয়। এই অনুষ্ঠানত দম্বৰুধৰ পাঠক আৰু জবা দাসৰ লোকগীত পৰিৱেশন, উৎপল বৰাৰ মেন্দোলিন বাদনে উপস্থিত সকলক মুগ্ধ কৰে। বিশিষ্ট সংগীতশিল্পী দিলীপ দাসৰ গীত আৰু আলাপ অনুষ্ঠানে হৰদত্ত- বীৰদত্ত ভৱন জীপাল কৰি তোলে৷ ৰঙিয়াৰ সন্দীপ কলিতা সমন্বয়ী কলাকেন্দ্ৰৰ শিল্পীসকলে নৃত্যানুষ্ঠান পৰিৱেশন কৰে। অনুষ্ঠানটোৰ আঁত ধৰে ইন্দ্ৰজিত দাস আৰু পৰিণিতা শইকীয়াই।
