৯৩ সংখ্যক বায়ু সেনা দিৱস উপলক্ষে আজি গুৱাহাটীৰ লাচিত ঘাটত কেন্দ্রীয় অনুষ্ঠানৰ আয়োজন কৰা হৈছে। এই অনুষ্ঠানৰ অংশ হিচাপে দুপৰীয়া ১২.৩০ বজাৰ পৰা দিনৰ ২ বজালৈ এয়াৰ শ্ব’ অর্থাৎ যুদ্ধ বিমানৰ উৰণ কৌশল প্ৰদৰ্শন কৰা হব। কেন্দ্রীয়ভাবে আয়োজিত এই এয়াৰ শ্বত ৰাফেল, মিগ, ছুখয় আদি ৭৫ খন বিমানে ভাগ ল’ব।
এই এয়াৰ শ্ব’ত প্ৰাণৰ শিল্পী জুবিন গাৰ্গৰ প্ৰতিও শ্রদ্ধাঞ্জলি জনোৱা হ’ব। এই প্রদর্শনী উপভোগৰ বাবে বিদ্যালয় আৰু মহাবিদ্যালয়ৰ ছাত্ৰ-ছাত্ৰীসকলৰ লগতে বৃদ্ধাশ্ৰমৰ আবাসীসকলক আমন্ত্রণ জনোৱা হৈছে। অৱশ্যে এইক্ষেত্রত প্রশাসনে কিছু নীতি-নির্দেশনা জাৰি কৰিছে।
জনসাধাৰণে সুবিধা অনুযায়ী গুৱাহাটীৰ নিজৰ ঘৰৰ পৰাও এই শ্ব’টো উপভোগ কৰিব পাৰিব। মহানগৰীৰ অশ্বক্লান্ত মন্দিৰৰ প্ৰাংগণত অতিথিৰ বাবে এয়াৰ শ্ব চোৱাৰ ব্যৱস্থা কৰা হৈছে।
ইপিনে ভাৰতীয় বায়ু সেনাৰ ৯৩ সংখ্যক বর্ষপূর্তি অনুষ্ঠানৰ অংশ হিচাপে কালি বৰঝাৰৰ সেনা ছাউনীত সেনা বাহিনীৰ দ্বাৰা আয়োজিত এটা অনুষ্ঠানত মুখ্যমন্ত্রী ড০ হিমন্ত বিশ্ব শর্মাই অংশগ্রহণ কৰে।
