■ ৰাজ্যৰ প্ৰাক্তন মুখ্যমন্ত্ৰী, ৰাজ্যসভাৰ প্ৰাক্তন সাংসদ, স্বাধীনতা যুঁজাৰু, বিশিষ্ট সমাজবাদী নেতা গোলাপ বৰবৰাৰ জন্ম শতবৰ্ষৰ অনুষ্ঠান অহা ৩১ আগষ্টৰ বিয়লি কটন বিশ্ববিদ্যালয়ত কলাগুৰু বিষ্ণু প্ৰসাদ ৰাভা প্ৰেক্ষাগৃহত অনুষ্ঠিত হ’ব। ইতিমধ্যে জন্ম শতবার্ষিকী অনুষ্ঠানৰ বাবে গোলাপ বৰবৰা জন্ম শতবর্ষ উদযাপন সমিতিয়ে প্রস্তুতি অব্যাহত ৰাখিছে। গুৱাহাটীত কালি অনুষ্ঠিত এখন সংবাদমেলত সমিতিৰ বিষয়ববীয়াই অনুষ্ঠানৰ প্ৰস্তুতি সন্দৰ্ভত ৰাইজক অৱগত কৰে। সমিতিয়ে প্ৰকাশ কৰা অনুসৰি ৩১ আগষ্টৰ বিয়লি গোলাপ বৰবৰা স্মৃতিত শ্রদ্ধাঞ্জলি অনুষ্ঠানেৰে এই কাৰ্যসূচী আৰম্ভ কৰা হ’ব। উল্লেখযোগ্য যে চলিত বৰ্ষৰ নৱেম্বৰ-ডিচেম্বৰত নতুন দিল্লীত গোলাপ বৰবৰা জন্ম শতবৰ্ষৰ কাৰ্যসূচী ৰূপায়ণ কৰা হ’ব।