হেডিংলী টেষ্টৰ আজি চতুর্থ দিনা ভাৰতে দ্বিতীয় ইনিংছত ইংলেণ্ডৰ বিৰুদ্ধে প্ৰত্যাহ্বানমূলক স্কৰ কৰাৰ দিশত অগ্ৰসৰ হৈছে। কালি ২ উইকেটৰ বিনিময়ত সংগ্ৰহ কৰা ৯০ ৰাণৰ পৰা দ্বিতীয় ইনিংছ আৰম্ভ কৰি ভাৰতে সোনকালেই অধিনায়ক শুভমন গীলৰ উইকেট হেৰুৱায়। তৃতীয় উইকেটৰ পতনৰ পাছত উপ- অধিনায়ক ঋষভ পণ্ট বেট কৰিবলৈ আহে আৰু কে এল ৰাহুলৰ সৈতে লগ লাগি চতুর্থ উইকেটেৰ যুটীত ভোজন বিৰতিৰ পৰলৈকে ৬০ ৰাণ যোগ কৰে। ভোজন বিৰতিত ভাৰতে ৩ উইকেটৰ বিনিময়ত ১৫৩ ৰাণ সংগ্ৰহ কৰে। ভোজন বিৰতিৰ পাছত খেল পুনৰ আৰম্ভ হৈছে আৰু ভাৰতে ৩টা উইকেটৰ বিনিময়ত ১৯২ ৰাণ সংগ্ৰহ কৰিছে। কে এল ৰাহুলে ৮৫ আৰু ঋষভ পণ্টে ৫৫ ৰাণ কৰি খেলি আছে।