হাইস্কুল শিক্ষান্ত পৰীক্ষা ২০২৬ৰ অনলাইন আবেদনৰ সময়সীমা পুনৰ বৃদ্ধি কৰা হৈছে। অসম ৰাজ্যিক বিদ্যালয় শিক্ষা পৰিষদে কালি এটা নির্দেশনাযোগে এইকথা প্রকাশ কৰিছে। অনলাইন আবেদনৰ বাবে কাইলৈৰ পৰা অহা ২০ নৱেম্বৰলৈ নির্দিষ্ট পোর্টেল মুকলি কৰি দিয়া হ’ব। শিক্ষার্থীসকলে ২১ নৱেম্বৰ পৰ্যন্ত মাছুল আদায় দিব পাৰিব। প্ৰ-পত্ৰ পূৰণৰ কাম সম্পূর্ণ নকৰা সকলো শিক্ষানুষ্ঠানকে নিৰ্ধাৰিত সময়ৰ ভিতৰত এই প্রক্রিয়া সম্পূৰ্ণ কৰিবলৈ নির্দেশনাটোত কোৱা হৈছে। পৰৱৰ্তী সময়ত কোনো ধৰণৰ পৰিস্থিতিতে প্ৰ-পত্ৰ পূৰণৰ সময়সীমা বৃদ্ধি কৰা নহয় বুলি নির্দেশনাটোত স্পষ্ট কৰি দিয়া হৈছে।