স্বাস্থ্য পৰীক্ষাৰ আইনগত নথিপত্ৰ আৰু মৰণোত্তৰ পৰীক্ষাৰ নথিসমূহ সহজে পাব পৰাকৈ আজি ৰাজ্যৰ স্বাস্থ্য বিভাগে গোৱালপাৰাৰ ছহিদ নিধানুৰাম ৰাজবংশী অসামৰিক চিকিৎ‍সালয়ত প্ৰথমটো মডলেপাৰ (ModLEaPR) প’ৰ্টেল আজি মুকলি কৰে। এই উপলক্ষে আয়োজিত অনুষ্ঠানত আৰক্ষীৰ বিশেষ সঞ্চালক প্রধান মুন্না প্রসাদ গুপ্তা মুখ্য অতিথি হিচাপে উপস্থিত থাকে। প’র্টেল মুকলি কৰি শ্ৰী গুপ্তাই কয়, যে প’ৰ্টেলটোৰ জৰিয়তে গুৰুত্বপূৰ্ণ নথিসমূহ সংৰক্ষণ কৰাটো সহজ হোৱাৰ লগতে আৰক্ষীৰ বাবে গোচৰসমূহ ক্ষীপ্ৰতাৰে সমাধাম কৰা সুবিধা হ’ব। স্বাস্থ্য বিভাগৰ সঞ্চালক ডাঃ উমেশ ফাংচ’, গোৱালপাৰাৰ আৰক্ষী অধীক্ষক নৱনীত মহন্তৰ উপৰি এই অনুষ্ঠানত স্বাস্থ্য সেৱা সঞ্চালকালয় আৰু অসম আৰক্ষীৰ ভালেসংখ্যক বিষয়া-কৰ্মচাৰী উপস্থিত থাকে।