কেন্দ্ৰীয় তথ্য আৰু সম্প্ৰচাৰ মন্ত্ৰী অশ্বিনী বৈষ্ণৱে আজি নতুন দিল্লীত সেৱা পৰ্ব উপলক্ষে আয়োজিত এটা অনুষ্ঠানত ডী ডী নেচনেল আৰু ডী ডী নিউজৰ বাবে এলানি বিশেষ কাৰ্য্যসূচী মুকলি কৰে। ইয়াৰ ভিতৰত সংকল্প কী শক্তি, সুশাসন কা সামর্থ্য, বিশ্ব মঞ্চ পৰ নেতৃত্ব কা শংখনাদ আৰু কৰ্মযোগীঃ এক অন্তহীন যাত্রা শীর্ষক ৩ খন তথ্যচিত্ৰ আছে। তদুপৰি, মেৰা গাঁও আজ শীৰ্ষক এটা বিশেষ অনুষ্ঠানো মুকলি কৰা হয়। এই বিগত ১১ বছৰত দেশৰ গাঁওসমূহৰ ৰূপান্তৰৰ কাহিনী দেখুওৱা হ’ব। অনুষ্ঠানত শ্রীবৈষ্ণৱে কয়, যে ভাৰতে বিশ্বত এটা নতুন পৰিচয় গঢ়ি তুলিছে। প্রধানমন্ত্ৰী নৰেন্দ্ৰ মোদী আৰম্ভণিৰে পৰাই ৰাষ্ট্ৰ নিৰ্মাণৰ কামত ব্ৰতী হৈ আহিছে বুলি উল্লেখ কৰি শ্ৰীবৈষ্ণৱে কয়, যে প্রধানমন্ত্ৰীয়ে ৰাজনীতিক দেশৰ নাগৰিকৰ প্ৰতি সেৱা আগবঢ়োৱাৰ মাধ্যমলৈ ৰূপান্তৰ কৰিলে। অনুষ্ঠানত অংশ লৈ তথ্য আৰু সম্প্ৰচাৰ মন্ত্ৰ্যালয়ৰ সচিব সঞ্জয় জাজুৱে আজিৰ অনুষ্ঠানক বিশেষ বুলি উল্লেখ কৰি কয়, যে সমগ্ৰ দেশৰে পৰিৱৰ্তন, ৰূপান্তৰ আৰু ৰাষ্ট্ৰ নিৰ্মাণৰ কাহিনীৰ বিষয়ে জানিব পৰা গৈছে।