সীমান্ত সুৰক্ষা বাহিনীয়ে কালি সন্ধিয়া পাঞ্জাবৰ সীমান্তৱৰ্তী এলেকা অমৃতচৰৰ পৰা এজন পাকিস্তানী অনুপ্ৰৱেশকাৰীক গ্ৰেপ্তাৰ কৰে। সুৰক্ষা বাহিনীৰ জোৱানে আন্তঃৰাষ্ট্ৰীয় সীমা পাৰ হোৱা সন্দেহজনক লোকজনে সীমান্তৰ নিৰাপত্তা বেৰ পাৰ হ’বলৈ চেষ্টা কৰা কাৰ্য নিৰীক্ষণ কৰি লোকজনৰ এই কাৰ্যক প্ৰত্যাহ্বান জনাই তেওঁক গ্ৰেপ্তাৰ কৰে।সীমান্ত সুৰক্ষা বাহিনীয়ে জনোৱা মতে সন্দেহজনক লোকজনে নিজক পাকিস্তানী নাগৰিক বুলি প্ৰকাশ কৰিছে। তালাচীৰ সময়ত লোকজনৰ পৰা ৩৩০ টকা পাকিস্তানী নোট উদ্ধাৰ কৰা হৈছে। সীমান্ত সুৰক্ষা বাহিনী আৰু ইয়াৰ ভগ্নী সংস্থাসমূহে প্ৰাৰম্ভিক সোধা-পোছাৰ পাছত অনুপ্ৰৱেশকাৰীজনক স্থানীয় আৰক্ষীৰ হাতত গতাই দিছে। আৰক্ষীয়ে অধিক তথ্যৰ বাবে লোকজনক জেৰা চলাব।