সাম্প্রতিক সময়ত মাতৃভাষা মাধ্যমত অধ্যয়ন কৰা পৰীক্ষার্থীয়ে প্রতিযোগিতামূলক পৰীক্ষাত সফলতা লাভ কৰাত অন্তৰায়ৰ সৃষ্টি হৈছে নেকি এই বিষয়ত কালি আকাশবাণী গুৱাহাটীৰ এটা বিশেষ দৃষ্টিপাত অনুষ্ঠান প্ৰচাৰ কৰা হয়। অনুষ্ঠানত অংশ লৈ অধিবক্তা তথা সমাজকর্মী কৈলাস চন্দ্র শর্মাই অসম লোকসেৱা আয়োগে প্রশাসনীয় পদৰ বাবে অনুষ্ঠিত কৰা পৰীক্ষাত অসমীয়া মাধ্যমৰ ছাত্র ছাত্রীৰ অংশগ্রহণৰ তথ্য সন্দৰ্ভত তথ্য জনাৰ অধিকাৰ আইনৰ অধীনত লোৱা পদক্ষেপ সন্দর্ভত কয়। জ্যেষ্ঠ সাংবাদিক জিতুমণি বৰাই প্রশাসনীয় পদত মাতৃভাষা বা আঞ্চলিক ভাষাৰ গুৰুত্ব সম্পর্কে আলোকপাত কৰে। এই অনুষ্ঠানত অসম লোকসেৱা আয়োগৰ প্রাক্তন সদস্য আনিছ-উজ জামানে মাতৃভাষাৰ গুৰুত্ব সম্পর্কে এইদৰে কয়। অনুষ্ঠানটোৰ পৰিকল্পনা আৰু প্রযোজনা আকাশবাণী গুৱাহাটীৰ বাতৰি বিভাগৰ মুৰববী ৰাজীৱ লোচন বৰঠাকুৰৰ।