ভাৰতীয় জনতা পাৰ্টীয়ে আজিৰে পৰা সমগ্ৰ দেশতে আত্মনিৰ্ভৰ ভাৰত আৰু হৰ ঘৰ স্বদেশী অভিযানৰ শুভাৰম্ভ কৰে। নতুন দিল্লীত আয়োজিত এখন সংবাদমেলত দলৰ সাধাৰণ সম্পাদক অৰুণ সিঙে এই কথা ঘোষণা কৰি কয়, যে এই অভিযান প্রাক্তন প্রধানমন্ত্রী অটল বিহাৰী বাজপেয়ীৰ জয়ন্তী, ২৫ ডিচেম্বৰ, ২০২৫লৈ চলি থাকিব। তেওঁ লগতে কয়, যে প্রধানমন্ত্ৰী নৰেন্দ্ৰ মোদীয়ে ২০৪৭ চনলৈ এখন বিকশিত ভাৰত নিৰ্মাণৰ সংকল্প গ্ৰহণ কৰিছে আৰু এই লক্ষ্য প্ৰাপ্তিৰ পথ আত্মনিৰ্ভৰ ভাৰত অভিযানৰ জৰিয়তে সম্ভৱপৰ হ’ব। সংবাদমেলত শ্ৰী সিঙে কয়, যে ৯০ দিনৰ এই অভিযানৰ দ্বাৰা বিজেপি আৰু ইয়াৰ কৰ্মকৰ্তাসকলে সমগ্ৰ দেশৰ জনসাধাৰণৰ সৈতে সম্পর্ক স্থাপন কৰিবলৈ সমৰ্থ হ’ব আৰু তেওঁলোকক স্বদেশী সামগ্ৰী উৎপাদন আৰু ইয়াৰ সমৰ্থন কৰিবলৈ উৎসাহ প্রদান কৰিব।