লোকসভাত আজি অপাৰেচন সিন্দূৰ সন্দৰ্ভত আলোচনা আৰম্ভ হোৱাৰ সম্ভাৱনা আছে। সংসদৰ চলিত বর্ষাকালীন অধিৱেশনত পেহেলগামৰ সন্ত্ৰাসবাদীৰ আক্ৰমণ আৰু অপাৰেচন সিন্দূৰৰ জৰিয়তে ভাৰতৰ প্ৰতিক্ৰিয়া সন্দৰ্ভত বিশেষ আলোচনা হ’ব বুলি সংসদীয় পৰিক্ৰমা মন্ত্রী কিৰেণ ৰিজিজুৱে পূৰ্বেই প্ৰকাশ কৰিছিল। শ্ৰীৰিজিজুৱে কয়, যে লোকসভাৰ অধ্যক্ষ ওম বিৰলাৰ অধ্যক্ষতাত অনুষ্ঠিত ব্যৱসায়িক পৰামৰ্শদাতা কমিটিৰ বৈঠকত এই সিদ্ধান্ত গ্ৰহণ কৰা হৈছিল। তেওঁ কয়, যে লোকসভাত এই বিষয়ক বিতৰ্কৰ বাবে ১৬ ঘণ্টা সময়ৰ অনুমোদন দিয়া হৈছে আৰু ৰাজ্যসভাতো কাইলৈ ১৬ ঘণ্টাৰ বাবে বিষয়টো সন্দৰ্ভত আলোচনা কৰা হ’ব। অপাৰেচন সিন্দূৰ সন্দৰ্ভত আলোচনাৰ বাবে বিৰোধী দলসমূহে দাবী জনোৱাৰ কথা উল্লেখ কৰি শ্ৰীৰিজিজুৱে লগতে কয়, যে চৰকাৰে অধিৱেশনৰ প্ৰথম দিনৰ পৰাই এই দাবীৰ প্রতি সন্মতি প্ৰকাশ কৰিছে।