লোকসভাত আজি ভালেমান বিৰোধী সাংসদে শ্ৰীলংকাৰ কৰ্তৃপক্ষই তামিলনাডুৰ মাছমৰীয়াসকলক কৰায়ত্ত কৰি ৰখাৰ বিষয়টোক লৈ প্ৰতিবাদ সাব্যস্ত কৰে। ডি এম কেৰ সাংসদ দয়ানিধী মৰাণ, কানিমুঝী আৰু এ ৰাজা, কংগ্ৰেছ সাংসদ হিবিয়াডেন, আৰ জে ডিৰ সাংসদ মনোজ ঝা, চিপি আই এমৰ পি সন্তোস আদিয়ে প্ৰতিবাদ সাব্যস্ত কৰে। সংবাদ মাধ্যমৰ সৈতে হোৱা কথা-বতৰাত কানিমুঝীয়ে কয় যে প্রায় ৯৭ গৰাকী মাছমৰীয়াক শ্ৰীলংকাৰ কৰ্তৃপক্ষই গ্ৰেপ্তাৰ কৰি ৰাখিছে আৰু তেওঁলোকক ভাৰতলৈ ওভতাই অনা উচিত। পাছত তেওঁ সদনৰ শূন্য কালতো এই বিষয়টো উত্থাপন কৰে।