শিৱসাগৰৰ জিলা আয়ুক্তৰ কাৰ্যালয়ত আজি সেৱা সপ্তাহ আয়োজনৰ প্ৰস্তুতি সন্দৰ্ভত এখন বৈঠক অনুষ্ঠিত হয়। সেৱা সপ্তাহ উদযাপনৰ অংশ হিচাপে বিধানসভা ভিত্তিত হ’বলগীয়া মেগা স্বাস্থ্য সেৱা শিবিৰৰ বিষয়ে বৈঠকত আলোচনা কৰা হয়। ডিমৌ সমষ্টিৰ বাবে অহা ১৯ ছেপ্তেম্বৰত, নাজিৰা সমষ্টিৰ বাবে চকীমুখ উচ্চতৰ মাধ্যমিক বিদ্যালয়ত অহা ২৬ ছেপ্তেম্বৰত শিবিৰৰ আয়োজন কৰা হৈছে। জিলা আয়ুক্ত গৰাকীয়ে সেৱা সপ্তাহৰ অন্তৰ্গত বিভিন্ন কাৰ্যসূচীৰ সফল ৰূপায়নৰ বাবে সশ্লিষ্ট বিভাগ সমূহক সহযোগিতা আগবঢ়াবলৈ আহ্বান জনায়। জিলা আয়ুক্ত আয়ুষ গৰ্গই জিলাখনত চিকিৎ‍সাধীন হৈ থকা যক্ষ্মা ৰোগীসকলক পুষ্টিকৰ খাদ্য প্ৰদান কৰিবলৈ বিভাগীয় বিষয়া সকলক স্বেচ্ছাই আগবাঢ়ি আহিবলৈ আহ্বান জনায়।