ৰাষ্ট্ৰীয় মহিলা আয়োগে যুৱ গৱেষকসকলক জলপানি প্রদানেৰে মহিলাৰ সমস্যা সম্পৰ্কীয় বিষয়ত গৱেষণাৰ বাবে শক্তি স্কলাৰ্ছ শীৰ্ষক জলপানি প্ৰদানৰ ব্যৱস্থা কৰিছে। ইয়াৰ অধীনত মহিলাৰ সুৰক্ষা আৰু মর্যাদা, লিংগভিত্তিক হিংসা, মহিলাৰ আইনী অধিকাৰ আৰু আইনী সুবিধাৰ লভ্যতা, চাইবাৰ সুৰক্ষা, স্বাস্থ্য আৰু পৰিপুষ্টি. অর্থনৈতিক সবলীকৰণ আৰু শ্ৰম কাৰ্যত তেওঁলোকৰ অংশগ্রহণ সন্দৰ্ভত বিভিন্ন বিষয় গৱেষণাৰ দিহা কৰা হৈছে। স্বীকৃত শিক্ষানুষ্ঠানৰ পৰা ন্যূনতম স্নাতক ডিগ্ৰীধাৰী ২১ৰ পৰা ৩০ বছৰ বয়সৰ ভিতৰৰ লোকে এই কাৰ্যসূচীৰ বাবে আবেদন কৰিব পাৰিব। বাছনি লাভ কৰা প্ৰাৰ্থীসকলে ছমহীয়া
গৱেষণাৰ বাবে ১ লাখ টকাকৈ জলপানি হিচাপে লাভ কৰিব। প্ৰাৰ্থীসকলে অহা ৩১ আগষ্টৰ ভিতৰত ইয়াৰ বাবে আবেদন কৰিব পাৰিব।