চীফ অৱ ডিফেন্স ষ্টাফ অনিল চৌহানে আজি কয়, যে শক্তিশালী আৰু সুৰক্ষিত ভাৰত গঢ় দিয়াত যুৱ প্ৰজন্মৰ সক্ৰিয় অংশগ্রহণ অতি গুৰুত্বপূর্ণ। নতুন দিল্লীত অনুষ্ঠিত হোৱা নেচনেল কেডেটছ কৰ্পছ চমুকৈ, এন চি চিৰ গণৰাজ্য দিৱসৰ কেম্প-২০২৬ৰ অনুষ্ঠানত ভাষণ প্ৰদান কৰি শ্ৰীচৌহানে যুৱক-যুৱতীসকলক ৰাষ্ট্ৰৰ উন্নয়নৰ বাবে জাতীয়তাবাদৰ মনোভাৱেৰে নিজৰ পথ আৰু লক্ষ্য নিৰ্ধাৰণ কৰি ল’বলৈ আহ্বান জনাইছে। তেওঁ কয়, যে জাতীয় মূল্যবোধ আৰু দায়ৱদ্ধতাৰ দ্বাৰা পৰিচালিত সঠিক পথ বাচি ল’লে কেডেটসকলে জাতিৰ উন্নয়নৰ দিশত অৰিহণা যোগোৱাৰ লগতে নিজৰ আশা-আকাংখ্যা পূৰণ কৰিবলৈ সক্ষম হ’ব।