যোৰহাট সাহিত্য মঞ্চই যোৰহাট সাহিত্য উৎসৱৰ সৈতে সংগতি ৰাখি প্ৰতিবছৰে প্ৰদান কৰা সাহিত্য বঁটাসমূহ ঘোষণা কৰিছে। বিশিষ্ট বিজ্ঞান লেখক, গল্পকাৰ, শিশু সাহিত্যিক,ঔপন্যাসিক অনন্ত কুমাৰ শৰ্মালৈ এইবছৰৰ জীৱনজোৰা সাধনা বঁটা আগবঢ়োৱা হৈছে। হস্ততাঁত বস্ত্রশিল্প আৰু ৰেচম বিভাগৰ অৱসৰপ্ৰাপ্ত আয়ুক্ত বিশিষ্ট লেখক, শিক্ষাবিদ লক্ষ্মীনাথ তামুলীলৈ যোৰহাট প্ৰজ্ঞাৰত্ন বঁটা আগবঢ়োৱা হৈছে। এই বঁটাত থাকিব এটি স্মাৰক, সম্বর্ধনা পত্র, গামোচা আৰু গ্ৰন্থৰ টোপোলা। আনহাতে, বিশিষ্ট লেখক, বিজ্ঞানী ড০ সোমেন্দ্র নাথ বুঢ়াগোহাইক অসম আৰু আহোম-প্ৰস্থৰ যোগৰ পৰা ১৮৩৮ খ্রীষ্টাব্দলৈকে শীর্ষক গ্ৰন্থখনৰ বাবে আৰু জনপ্ৰিয় ঔপন্যাসিক শৰ্মিষ্ঠা প্ৰীতমলৈ তেওঁৰ নীল সাগৰৰ শংখধবনি শীৰ্ষক গ্ৰন্থখনৰ বাবে যোৰহাট সাহিত্য বঁটা আগবঢ়োৱা হৈছে।