যোৰহাট জিলা প্ৰশাসনৰ উদ্যোগত আৰু জিলা কৃষি বিষয়াৰ কাৰ্যালয়ৰ সহযোগত আজি যোৰহাটৰ আৱৰ্ত ভৱনৰ সভাকক্ষত ডিজিটেল জৰীপ ব্যৱস্থা, খাৰিফ ২০২৪ সন্দৰ্ভত এখন প্রস্তুতিমূলক সভা অনুষ্ঠিত হয়। সভাখনত অংশগ্ৰহণ কৰি যোৰহাট জিলাৰ আয়ুক্ত পুলক মহন্তই ডিজিটেল জৰীপ ব্যৱস্থাৰ বিষয়ে আলোকপাত কৰে। অহা ৩ আগষ্টৰ পৰা জিলাখনত ডিজিটেল জৰীপ ব্যৱস্থাৰ প্ৰশিক্ষণ আৰম্ভ হ’ব বুলিও তেওঁ ঘোষণা কৰে। সভাখনত জিলা আয়ুক্তৰ লগতে জিলা উন্নয়ন আয়ুক্ত, কৃষি বিভাগৰ অতিৰিক্ত জিলা আয়ুক্ত, জিলা পৰিষদৰ মুখ্য কাৰ্যবাহী বিষয়াকে ধৰি বিভিন্ন বিভাগৰ দায়িত্বত থকা বিষয়াসকল উপস্থিত থাকে।