যেতিয়া যুৱ প্ৰজন্মই ৰাষ্ট্ৰ নিৰ্মাণত ভাগ লয় তেতিয়া ৰাষ্ট্ৰৰ বিকাশ খৰতকীয়া হয় আৰু সমগ্ৰ বিশ্বতে ই প্ৰভাৱ বিস্তাৰ কৰে বুলি প্ৰধানপ্রধানমন্ত্ৰী নৰেন্দ্ৰ মোদীয়ে উল্লেখ কৰিছে। তেওঁ কয় যে দেশৰ যুৱ প্ৰজন্মই তেওঁলোকৰ কষ্ট আৰু উদ্ভানৰ জৰিয়তে বিশ্বক ভাৰতৰ সম্ভাৱনাৰ উমান দিছে। ভিডিঅ’ কনফাৰেনছিঙৰ জৰিয়তে চৰকাৰৰ বিভিন্ন বিভাগত নতুনকৈ নিযুক্তি পোৱা ৫১ হাজাৰতকৈ অধিক নিযুক্তি বিতৰণ কৰাৰ পাছত নিয়োগ মেলাত প্ৰধানমন্ত্রীয়ে এই কথা প্ৰকাশ কৰে। তেওঁ কয় যে নিযুক্তি পত্ৰ লাভ কৰা যুৱক-যুৱতীসকলৰ ৰাষ্ট্ৰৰ অৰ্থনীতি, আভ্যন্তৰীণ সুৰক্ষা, আধঘুনিক আন্তঃগাঠনি বিকশাই তোলা আৰু শ্ৰমিকসকলৰ জীৱনলৈ পৰিৱৰ্তন অনাৰ ক্ষেত্ৰত গধুৰ দায়িত্ব আছে। তেওঁ লগতে উল্লেখ কৰে যে তেওঁলোকে নিজৰ কৰ্ম যিমান সততাৰে কৰিব বিকশিত ভাৰতৰ যাত্ৰাক দেশক সিমানে আগবঢ়াই নিব।