মুম্বাইৰ শিৱাজী মহাৰাজ আন্তঃৰাষ্ট্ৰীয় বিমান বন্দৰত আজি পুৱা কুৱেইটৰ পৰা হায়দাবাদ অভিমুখী ইণ্ডোগোৰ এখন বিমান জৰুৰীকালীনভাৱে অৱতৰণ কৰোৱা হয়। কৰ্তৃপক্ষই জনোৱা মতে বিমানখনত মানৱ বোমা থকা বুলি এখন ই-মেইল লাভ কৰাৰ পাছতে এই সিদ্ধান্ত লোৱা হয়। বিমানখন নিৰাপদে অৱতৰণ কৰোৱা হয় আৰু পাছত সুৰক্ষা পৰীক্ষা কৰা হয় ৷ বিমান বন্দৰ আৰু বিমান সংস্থাৰ কৰ্তৃপক্ষই বিমানখনত বোমা থকা বুলি লাভ কৰা তথ্যৰ পৰিপ্ৰেক্ষিতত আইন প্ৰৱৰ্তনকাৰী সংস্থাসমূহৰ সৈতে যোগাযোগ কৰাৰ লগতে বিমানখনৰ যাত্ৰীসকল নিৰাপদে থাকা বুলি প্ৰকাশ কৰে। ইয়াৰ পূৰ্বেও ১২ নৱেম্বৰত ইন্দিগোৰ বিমানত বোমা থকা বুলি ই-মেইলঢ লাভ কৰা হৈছিল, যাৰবাবে দিল্লীৰ ইন্দিৰাগান্ধী বিমান বন্দৰত উচ্চ সতর্কতা জাৰি কৰা হৈছিল।