বিহাৰৰ অপেনাৰ বৈভৱ সূর্যবংশীয়ে মাত্র ৫৯টা বলত ১৫০ ৰাণ কৰি পুৰুষ ক্ৰিকেটৰ এ তালিকাত দ্রুত ৰাণ কৰা খেলুবৈ হিচাপে অভিলেখ গঢ়িছে। বৈভৱে দক্ষিণ আফ্ৰিকাৰ এ বি ডি ভিলিয়াৰ্ছৰ অভিলেখ ভংগ কৰে। এ বি ডি ভিলিয়াছে ২০১৫ চনত বেষ্ট ইণ্ডিজৰ বিৰুদ্ধে ৬৪টা বলত ১৫০ ৰাণ কৰিছিল। বিজয় হাজাৰে টুফী প্রতিযোগিতাত আজি অৰুণাচল প্ৰদেশৰ বিৰুদ্ধে খেলি বৈভৱে ৩৬টা বলত শতৰাণ কৰে আৰু এ তালিকাৰ ইতিহাসৰ দ্রুততম ডেৰশ ৰাণ কৰা আটাইতকৈ কম বয়সীয়া খেলুৱৈ হিচাপে পৰিগণিত হয়।