দিল্লী আৰক্ষীয়ে যোৱা কেইদিনত ভুৱা নথিপত্ৰৰে বাংলাদেশী নাগৰিকক ভাৰতত সংস্থাপিত কৰা এটা চক্ৰৰ ১১ জন লোকক আটক কৰিছে। এই লোক কেইজনে এটা ভুৱা ৱেবছাইটৰ জৰিয়তে অবৈধ নথিপত্ৰ প্ৰস্তুত কৰি বাংলাদেশী নাগৰিকক ভাৰতীয় নাগৰিকৰূপে পৰিচয় দিয়াৰ ব্যৱস্থা কৰিছে। দক্ষিণ দিল্লীৰ আৰক্ষী উপায়ুক্তগৰাকীয়ে আজি এই বিষয়ে প্রকাশ কৰি কয়, যে অবৈধ ভাৰতীয় আধাৰকাৰ্ড, পেন কাৰ্ড আৰু ভোটাৰ কাৰ্ড প্ৰস্তুত কৰা এই অপৰাধী চক্ৰটোৰ ৫ জন বাংলাদেশী নাগৰিক আৰু আন ৬ জন ভাৰতীয় নাগৰিক।