ভিয়েটনামত টাইফুনৰ বুৱালয়ৰ পৰিপ্ৰেক্ষিতত বিমান বন্দৰসমূহ বন্ধ কৰি দিয়াৰ লগতে হাজাৰ হাজাৰ লোকক নিৰাপদ ঠাইলৈ স্থানান্তৰ কৰোৱা হৈছে। এদিন পূর্বে ফিলিপাইনছত টাইফুনৰ ফলত প্ৰচণ্ড ধুমুহা-বৰষুণত কমেও ১০ জন লোকৰ মৃত্যু হৈছে। ঘণ্টাত ১৩৩ কিলোমিটাৰ বেগেৰে বলা বতাহজাকে আজি মধ্য ভিয়েটনামত খুন্দিয়াব বুলি দেশখনৰ ৰাষ্ট্ৰীয় বতৰ বিজ্ঞান সংস্থাই প্ৰকাশ কৰিছে। সংস্থাটোৱে জনোৱা মতে ইয়াৰ ফলত প্ৰচণ্ড ধুমুহা, প্রবল বৰষুণ, আকস্মিক বান, ভূমিস্খলনকে ধৰি বিভিন্ন প্রাকৃতিক দুৰ্যোগৰ আশংকা কৰা হৈছে। ভিয়েটনাম চৰকাৰে কানি দা নাং আন্তঃৰাষ্ট্ৰীয় বিমান বন্দৰকে ধৰি চাৰিটা উপকূলীয়া বিমান বন্দৰৰ পৰা বিমান চলাচল বাতিল কৰাৰ লগতে বহুকেইখন বিমানৰ সময় সলনি কৰিছে।