তথ্য আৰু সম্প্ৰচাৰ তথা ইলেক্ট্ৰ’নিকছ আৰু তথ্য প্ৰযুক্তি মন্ত্রী অশ্বিনী বৈষ্ণৱে কালি টকিঅ’ত জাপানৰ ডিজিটেল পৰিৱৰ্তন মন্ত্ৰী তাৰ’ কোনোৰ সৈতে বৈঠকত মিলিত হৈ ভাৰত-জাপান ডিজিটেল সম্পর্ক অধিক শক্তিশালী কৰা সন্দৰ্ভত আলোচনা কৰে। দুয়োগৰাকী নেতাই ডিজিটেল পটভূমিৰ লগতে প্ৰযুক্তিগত উন্নয়ন খণ্ডত উদ্ভাৱন আৰু সহযোগিতাৰ বিভিন্ন দিশ অন্বেষণ সন্দৰ্ভত বিষদভাবে আলোচনা কৰে। ইয়াৰ পূৰ্বে শ্ৰী বৈষ্ণৱে জাপানৰ প্ৰধানমন্ত্ৰীৰ বিশেষ উপদেষ্টা মাছাফুমি মৰিৰ সৈতে ভাৰত আৰু জাপানৰ মাজৰ কৌশলগত অংশিদাৰিত্বই ভৱিষ্যৎ গতিপথ সন্দৰ্ভত আলোচনা কৰে। ৰে’ল মন্ত্ৰ্যালয়ৰো দায়িত্বত থকা শ্ৰী বৈষ্ণৱে এই ভ্ৰমণৰ সময়ত জাপানৰ ভূমি, আন্তঃগাঁথনি, পৰিবহন আৰু পৰ্যটন মন্ত্ৰী টেটচ্যু চাইটোৰ সৈতেও ফলপ্রসু আলোচনাত মিলিত হয়। দুয়োগৰাকী নেতাই দেশ দুখনৰ মাজত ৰে’ল সহযোগিতা বৃদ্ধি কৰাৰ লগতে অৰ্থনৈতিক উন্নয়ন আৰু সাংস্কৃতিক সম্পর্ক অধিক সুদৃঢ় কৰাৰ বিষয় লৈ আলোচনা কৰে।