ভাৰতৰ অতনু দাসে ছুইজাৰলেণ্ডৰ লুছানেত অনুষ্ঠিত ছুইছ অপেন ইণ্ডোৰ আৰ্চাৰী প্ৰতিযোগিতাত ব্ৰঞ্জৰ পদক লাভ কৰিছে। অতনু দাসে কালি ছুইজাৰলেণ্ডৰ থমাছ ৰুফৰক ৬-৪ ফলাফলত পৰাস্ত কৰি প্ৰতিযোগিতাৰ পুৰুষৰ ৰিকাৰ্ভ শিতানত ব্ৰঞ্জৰ পদক হস্তগত কৰে। ইয়াৰ পূৰ্বে অতনু দাসে ছেমিফাইনেলত ফ্ৰান্সৰ ৰোমেন ফিচেটৰ হাতত ৪-৬ ফলাফলত পৰাজিত হয়। এই শিতানত ইটালীৰ এলেছেন্দ্ৰো পাঅ’লিয়ে সোণৰ আৰু ৰোমেনে ৰূপৰ পদক লাভ কৰে। এই প্ৰতিযোগিতাত ৩১ খন দেশৰ ৩০০ৰো অধিক খেলুৱৈয়ে অংশগ্ৰহণ কৰিছে।