ভাৰতীয় ৰিজাৰ্ভ বেংকে আজি একেৰাহে নৱম বাৰৰ বাবে পলিচী ৰেপ’ হাৰ ৬.৫ শতাংশতে অপৰিৱৰ্তিত ৰখাৰ বিষয়ে ঘোষণা কৰিছে। স্থায়ী জমা সুবিধা – এছ ডি এফৰ হাৰ ৬.২৫ শতাংশ আৰু প্ৰান্তীয় স্থায়ী সুবিধা – এম এছ এফ তথা বেংকৰ হাৰো ৬.৭৫ শতাংশতে থাকিব। ৰিজাৰ্ভ বেংকৰ গৱৰ্ণৰ শক্তিকান্ত দাসে কয় যে চলিত বিত্তীয় বৰ্ষৰ বাবে তৃতীয়টো দুমহীয়া মৌদ্রিক নীতি ঘোষণা কৰি মৌদ্রিক নীতি সমিতি – এম পি চিয়ে ৰেপ’ হাৰ পূৰ্বৰ ৬.৫ শতাংশতে ৰখাৰ সিদ্ধান্ত গ্ৰহণ কৰে। বৈঠকত ৬ জন সদস্যৰ ভিতৰত চাৰিগৰাকীৰ বহুমতত এই সিদ্ধান্ত গ্ৰহণ কৰা হয়। বিকাশৰ লক্ষ্যত উপনীত হোৱাৰ উদ্দেশ্যে মুদ্রাস্ফীতি একে ৰখাটো সুনিশ্চিত কৰাৰ বাবে এই সিদ্ধান্ত লোৱা হয়। মৌদ্রিক নীতি সমিতিৰ এই বৈঠক যোৱা ৬ তাৰিখৰ পৰা তিনিদিনীয়াকৈ অনুষ্ঠিত হৈছে। সমিতিৰ পৰৱৰ্তী বৈঠক অহা ৭ৰ পৰা ৯ অক্টোবৰলৈ অনুষ্ঠিত হ’ব।