ভাৰতীয় ১৯ বছৰ অনুৰ্ধ ক্রিকেট দলে যোৱা নিশা বেননীৰ উইল’মোৰ পাৰ্কত অনুষ্ঠিত তিনিখনীয়া এদিনীয়া শৃংখলাৰ প্ৰথমখন খেলত ঘৰুৱা দল দক্ষিণ আফ্ৰিকাক ডাক ৱৰ্থ লুইছ পদ্ধতিৰ সহায়ত ২৫ ৰানত পৰাস্ত কৰে। খেলখনত ভাৰতে প্ৰথমে বেট ধৰাৰ আমন্ত্ৰণ লাভ কৰি নিৰ্ধাৰিত ৫০ অভাৰত আটাইকেইটা উইকেট হেৰুৱাই ৩০০ ৰান সংগ্ৰহ কৰে। ভাৰতৰ হৈ হৰবংশ পংগালিয়াই ৯৩ আৰু আৰ এছ অম্বৰীশে ৬৫ ৰানৰ বৰঙণি আগবঢ়ায়। প্ৰত্যুত্তৰত দক্ষিণ আফ্রিকাই ৩০১ ৰানৰ বিজয় লক্ষ্যৰে খেল আৰম্ভ কৰি ২৭ অভাৰ আৰু ৪ টা বলত ৪টা উইকেটৰ বিনিময়ত ১৪৮ ৰান কৰা অৱস্থাত বৰষুণে খেলখনত বিধি পথালি দিয়ে। ইয়াৰ পাছত খেলখন পুনৰ আৰম্ভ কৰিব পৰা নাযায় আৰু ভাৰতক ডাক ৱৰ্থ লুইছ পদ্ধতিৰে বিজয় ঘোষণা কৰা হয়৷