কেন্দ্রীয় কৃষি আৰু কৃষক কল্যাণ মন্ত্রী শিৱৰাজ সিং চৌহানে বৰ্তমানৰ আৱশ্যকতাৰ কথা বিবেচনা কৰিয়েই বিকশিত ভাৰত গ্ৰামীণ নিয়োগ নিশ্চিতকৰণ আৰু জীৱিকা অভিযান জী ৰাম জী বিধেয়কখন সংসদত গৃহীত কৰা হৈছে। এই বিধেয়কখনে পূৰ্বৰ এম জি এনৰেগা আঁচনিৰ দোষ-ত্রুটিসমূহ নাইকিয়া কৰিব বুলিও মন্ত্ৰীগৰাকীয়ে উল্লেখ কৰে। ভূপালৰ এখন সংবাদ মেলত আঁচনিখনৰ নাম সলনিক লৈ বিৰোধীয়ে উত্থাপন কৰা অভিযোগ সন্দৰ্ভত মত প্রকাশ কৰি শ্ৰীচৌহানে আজি কয় যে পূর্বে বিৰোধী দলসমূহ ক্ষমতাত থকাৰ সময়তে বিভিন্ন সময়ত নিয়োগ সম্বন্ধীয় আঁচনিসমূহৰ নাম সলনি কৰা হৈছিল। তেওঁ কয় যে জি ৰাম জী অভিযান অধিক ফলপ্রসূ কৰি তোলাৰ বাবে প্ৰধানমন্ত্ৰীৰ গতিশক্তি আঁচনিৰ সৈতে সংযুক্ত কৰা হৈছে। এই অভিযানৰ অধীনত আইন অনুসৰি নিবনুৱা ভাট্টা আৰু প্রয়োজন সাপেক্ষে বিত্তীয় সাহায্য দিয়াৰো স্পষ্ট ব্যবস্থা আছে বুলি মন্ত্রী চৌহানে প্রকাশ কৰে।