বৈদেশিক পৰিক্ৰমা মন্ত্ৰী ড০ এছ জয়শংকৰে আজি চলিত বৰ্ষত নতুন দিল্লীত হ’বলগীয়া ব্রিকছ শীর্ষ সন্মিলনৰ প্ৰতীক চিহ্ন, বিষয়বস্তু আৰু ৱেবছাইট মুকলি কৰে। নতুন দিল্লীত আজি সাংবাদিকৰ আগত ড০ জয়শংকৰে কয় যে এই শীর্ষ সন্মিলনত ভাৰতে গোলকীয় কল্যাণৰ মহান উদ্দেশ্যৰে ব্ৰিকছ ৰাষ্ট্ৰগোষ্ঠীৰ সম্ভাৱনীয়তাক একত্ৰিত কৰাৰ প্ৰয়াস কৰিব। তেওঁ কয় যে ব্ৰিকছ ৰাষ্ট্ৰগোষ্ঠীয়ে চলিত বৰ্ষত ২০ বছৰ সম্পূৰ্ণ কৰিব আৰু এই সুদীৰ্ঘ পৰিক্ৰমাত ব্ৰিকছে উন্নয়নমূলক অর্থনীতি আৰু বিকশিত বজাৰৰ মাজত সহযোগিতা অনাৰ গুৰুত্বপূর্ণ মঞ্চ হিচাপে গঢ়ি উঠিছে। ড০ জয়শংকৰে লগতে উল্লেখ কৰে যে এই সময়ছোৱাত ব্ৰিকছে ইয়াৰ কাৰ্যসূচী আৰু সদস্যপদৰ সম্প্ৰসাৰণ কৰিছে। এই মঞ্চই জনসাধাৰণকেন্দ্ৰিক বিকাশ, আলোচনা আৰু ব্যৱহাৰিক সহযোগিতাৰ প্ৰসাৰত গুৰুত্ব দিয়াৰ লগতে পৰিৱৰ্তিত গোলকীয় বাস্তৱিকতাৰ প্ৰতি সঁহাৰি জনায় বুলি কেন্দ্ৰীয় মন্ত্ৰীগৰাকীয়ে প্ৰকাশ কৰে।