ব্রাজিলৰ বেলেমত ২০২৪ চনৰ ৩০ অক্টোবৰৰ পৰা ১ নৱেম্বৰলৈকে জি-২০ দুৰ্যোগৰ আশংকা হ্ৰাস কৰ্মী গোট মন্ত্ৰীসভাৰ বৈঠক অনুষ্ঠিত হয়। বিভিন্ন মন্ত্ৰী পৰ্যায়ৰ অধিৱেশনৰ সময়ত প্রধানমন্ত্ৰীৰ প্ৰধান সচিব পি. কে মিশ্ৰই দুৰ্যোগৰ আশংকা হ্ৰাসৰ ক্ষেত্ৰত ভাৰতৰ অগ্ৰগতি আৰু দুৰ্যোগ নিৰাময়ৰ বাবে বৃদ্ধি কৰা পুঁজিৰ বিষয়ে উল্লেখ কৰে৷
প্রধান সচিবগৰাকীয়ে দুৰ্যোগৰ আশংকা হ্ৰাসৰ ক্ষেত্ৰত ভাৰতে গ্ৰহণ কৰা পদক্ষেপসমূহৰ ওপৰতো গুৰুত্ব আৰোপ কৰে আৰু দুৰ্যোগৰ আশংকা হ্রাস কর্মী গোটৰ পাঁচটা অগ্ৰাধিকাৰৰ ওপৰত আলোকপাত কৰে। এইবোৰ হৈছে আগতীয়া সতর্কবাণী ব্যৱস্থা, দুর্যোগ প্ৰতিৰোধী আন্তঃগাঁথনি, দুৰ্যোগৰ বিপদ হ্ৰাসৰ বিত্তীয় সাহায্য, স্থিতিস্থাপক পুনৰুদ্ধাৰ আৰু প্ৰকৃতি ভিত্তিক সমাধান৷ ভাৰতৰ উদ্যোগত জি-২০ৰ অধ্যক্ষতাৰ সময়ত, যোৱা বছৰ নতুন দিল্লীত প্রথম দুৰ্যোগৰ আশংকা হ্রাস কর্মী গোট স্থাপন কৰা হৈছিল।