সমগ্র বেলুচিস্তানত বেলুচ নাগৰিকৰ বলপূর্বক নিৰুদ্দেশ অব্যাহত থকাৰ সময়তে পাকিস্তানী সেনাবাহিনীয়ে আৰু তিনিজন বেলুচ লোকক বলপূর্বকভাৱে নিৰুদ্দিষ্ট কৰাৰ অভিযোগ উত্থাপিত হৈছে। বেলুচ ৰাষ্ট্ৰীয় আন্দোলনৰ মানৱ অধিকাৰ শাখা পাংক’ৰ তথ্য অনুসৰি পাকিস্তানী সেনাবাহিনীয়ে বেলুচিস্তানৰ দাদৰ জিলাৰ কুলদান জিৱানী নিবাসী সমীৰ বেচক বলপূর্বকভাৱে নিৰুদ্দিষ্ট কৰে। সামাজিক মাধ্যমৰ এটা বার্তাত পাংকে কয়, যে যোৱা নিশা কৰাচীৰ ছাফুৰাগথৰ পৰা পাকিস্তানী সেনাবাহিনীয়ে সমীৰ বেচক বলপূর্বকভাৱে উঠাই লৈ যায়। ইয়াৰোপৰি যোৱা শনিবাৰে আলতাফ বেলুচ আৰু গালিব বেলুচ নামৰ দুজন বেলুচ নাগৰিকক পাকিস্তানী সেনাবাহিনীয়ে তালাচী চলাই নিজ বাসগৃহৰ পৰাই বলপূৰ্বকভাৱে লৈ যোৱাৰ পাছত দুয়োগবাকী লোক বৰ্তমানলৈ নিৰুদ্দিষ্ট হৈ আছে।