বিশ্বজুৰি আজি মাতৃ দিৱস পালন কৰা হৈছে। প্ৰতিবছৰে মে’ মাহৰ দ্বিতীয়টো দেওবাৰত এই মাতৃ দিৱস পালন কৰা হয় । নাগালেণ্ডত শলাগ আৰু কৃতজ্ঞতাৰে মাতৃ দিৱস উদযাপন কৰা হয়। সকলো বয়সৰ লোকে মাতৃৰ প্ৰতি স্নেহ আৰু সন্মান প্ৰদৰ্শন কৰে। লগতে গীৰ্জাঘৰ সমূহত মাতৃ দিৱস উপলক্ষে বিশেষ সেৱা প্ৰদান কৰে। সকলো মাতৃকে মাতৃ দিৱসৰ শুভেচ্ছা জনাই নাগালেণ্ডৰ মুখ্যমন্ত্ৰী নেইফিউ ৰিঅ’ই কয় যে মাতৃত্ব ঈশ্বৰ প্ৰদত্ত উপহাৰ, য’ত স্নেহ, আশীৰ্বাদ আৰু অন্তহীন ত্যাগ বৰ্তি আছে। পৰিয়াল আৰু সমাজৰ বাবে মাতৃসকল বহনক্ষম শক্তি বুলি উল্লেখ কৰি মুখ্যমন্ত্ৰীগৰাকীয়ে কয় যে মাতৃত্বৰ ভূমিকা পালন কৰা সকলো মাতৃকে আমি সন্মান কৰো।