কেন্দ্ৰীয় চৰকাৰে দেশৰ জনজাতীয় লোকসকলৰ জীৱনত যুগান্তকাৰী আৰু ইতিবাচক পৰিৱৰ্তন সাধনৰ বাবে নিৰলস প্ৰচেষ্টা অব্যাহত ৰাখিছে। আকাশবাণীৰ বাতৰি বিভাগৰ সৈতে হোৱা আছুতীয়া সাক্ষাৎকাৰত জনজাতি পৰিক্ৰমা দপ্তৰৰ মন্ত্ৰী জুৱেল ওৰামে এই কথা প্ৰকাশ কৰে। তেওঁ কয়, যে মন্ত্ৰ্যালয়ে বিগত ১১ বছৰত জনজাতীয় লোকসকলৰ কল্যাণৰ বাবে বিভিন্ন আঁচনি আৰু কাৰ্যসূচী ৰূপায়ণ কৰিছে। এনেধৰণৰ এটা উন্নয়নমূলক কার্যসূচী একলব্য আদর্শ আৱাসিক বিদ্যালয়ৰ বিষয়ে উল্লেখ কৰি তেওঁ কয়, যে এই পদক্ষেপে ছাত্র-ছাত্রীসকলক বিশেষভাৱে উপকৃত কৰিছে। এই সাক্ষাৎকাৰ আকাশবাণীৰ সকলো চেনেলৰ লগতে ১০০ দশমিক ১ মেগাহার্টজত এফ এম গোল্ড চেনেলযোগে আৰু নিশা ৯.৩০ বজাত প্ৰচাৰ কৰা হ’ব। বিকশিত ভাৰতৰ অমৃতকাল, সেৱা, সুশাসন আৰু দৰিদ্ৰ কল্যাণৰ ১১ বছৰ শীৰ্ষক বিশেষ শৃংখলাৰ অংশ হিচাপে এই সাক্ষাৎকাৰ প্ৰচাৰ কৰা হ’ব। অনুষ্ঠানটি আকাশবাণীৰ ইউটিউব চেনেল নিউজ অন এয়াৰ অফিচিয়েল যোগেও একেসময়তে প্ৰচাৰ কৰা হ’ব।