Bangladeshবাংলাদেশৰ কেৰাণিগঞ্জৰ হাছনাবাদ অঞ্চলৰ ওম্মাল কুৱাৰা আন্তঃৰাষ্ট্ৰীয় মাদ্ৰাছাত আজি দুপৰীয়া সংঘটিত এটা বোমা বিস্ফোৰণত দুগৰাকী মহিলা আৰু দুটি শিশুকে ধৰি চাৰিগৰাকী লোক আঘাতপ্ৰাপ্ত হয়। কেৰাণিগঞ্জ আৰক্ষীচকীৰ ভাৰপ্ৰাপ্ত বিষয়াগৰাকীয়ে জনোৱা মতে বিস্ফোৰণ সংঘটিত হোৱা অঞ্চলটোত তালাচী অভিযান অব্যাহত আছে। অভিযানৰ সময়ত পেট্রল বোমা, ৰাসায়নিক দ্রব্যকে ধৰি প্ৰায় ২৫০ কিলোগ্ৰাম ওজনৰ বোমা প্রস্তুত কৰা সা-সামগ্ৰী উদ্ধাৰ কৰা হৈছে। বোমা নিষ্ক্রীয়কাৰীসকলে সফলতাৰে এই খাৰ-বাৰুদসমূহ নিষ্ক্রীয় কৰা বুলি বিষয়াগৰাকীয়ে জানিবলৈ দিয়ে। ঘটনা সন্দৰ্ভত দুগৰাকী মহিলাক সোধা-পোছাৰ বাবে গ্ৰেপ্তাৰ কৰা হৈছে।