কেন্দ্রীয় গৃহমন্ত্রী অমিত শ্বাহৰ উপস্থিতিত বটদ্রবা প্রকল্প উদ্বোধনী অনুষ্ঠানৰ বাবে প্ৰস্তুতি প্রায় সম্পূৰ্ণ হৈছে। ঐতিহ্যমণ্ডিত আকাশীগংগাৰ তীৰত নিৰ্মাণ কৰা বটদ্ৰবা সাংস্কৃতিক প্রকল্পথলীত উখল মাখল পৰিবেশৰ সৃষ্টি হৈছে। অঞ্চলটোৰ ৰাইজে গৃহমন্ত্ৰীগৰাকীক আদৰিবলৈ প্ৰস্তুতি প্রায় সম্পূৰ্ণ কৰিছে। মুখ্যমন্ত্ৰী ড০ হিমন্ত বিশ্ব শৰ্মাই আজি বটদ্রবা প্রকল্পস্থলী পৰিদৰ্শন কৰি কাইলৈ উদ্বোধনী অনুষ্ঠানৰ প্ৰস্তুতিৰ বুজ লয়। প্রায় ২২২ কোটি টকা ব্যয়েৰে নিৰ্মাণ কৰা বটদ্ৰবা সাংস্কৃতিক প্রকল্প কাইলৈ উদ্বোধন কৰা হ’ব যদিও জনতাৰ বাবে ১ ফেব্ৰুৱাৰীত মুকলি কৰা হ’ব বুলি তেওঁ উল্লেখ কৰে। বটদ্ৰবা সাংস্কৃতিক প্রকল্প, গুৱাহাটীৰ শ্ৰীমন্ত শংকৰদেৱ কলাক্ষেত্ৰ পৰিচালনা সমিতিয়ে পৰিচালনা কৰিব বুলি তেওঁ উল্লেখ কৰে। মুখ্যমন্ত্ৰীৰ এই পৰিদৰ্শন কালত মন্ত্ৰী কেশৱ মহন্ত, পীযূষ হাজৰিকা, বিমল বৰাৰ উপৰি জিলা আয়ুক্ত দেৱাশীষ শৰ্মা আৰু উচ্চপদস্থ বিষয়াসকল উপস্থিত থাকে।