পৰৱৰ্তী প্ৰজন্মৰ জি এছ টি সংস্কাৰে ভাৰতৰ সকলো শ্ৰেণীৰ নাগৰিককে উপকৃত কৰা বুলি প্ৰধানমন্ত্ৰী নৰেন্দ্ৰ মোদীয়ে প্ৰকাশ কৰে। যোৱা ২২ ছেপ্তেম্বৰত প্ৰধানমন্ত্ৰীয়ে ঘোষণা কৰা জি এছ টি সঞ্চয় উৎসৱৰ জৰিয়তে পৰৱৰ্তী প্ৰজন্মৰ জি এছ টি সংস্কাৰে ভাৰতত পৰোক্ষ কৰ ব্যৱস্থা সৰল কৰাৰ ক্ষেত্ৰত এটা উল্লেখযোগ্য পদক্ষেপ ৰূপে বিবেচিত হৈছে। এই সংস্কাৰে বিভিন্ন সামগ্ৰী আৰু সেৱাৰ ওপৰত কৰ হ্ৰাস কৰি নাগৰিকলৈ যথেষ্ট সকাহ প্ৰদান কৰিছে।
পৰৱৰ্তী প্ৰজন্মই জি এছ টি সংস্কাৰৰ অধীনত চৰকাৰে বিভিন্ন খণ্ডত যথেষ্ট পৰিমাণৰ কৰ হ্ৰাস কৰাৰ কথা ঘোষণা কৰিছে। জি এছ টি টু পইণ্ট অ’ৰ অধীনত ঘৰুৱা ইলেকট্রনিক সামগ্ৰী যেনে এয়াৰ কণ্ডিচনাৰ, ডিছৱাছাৰ আৰু ডাঙৰ পৰ্দাৰ এল চি ডি আৰু এল ই ডি টেলিভিছনৰ হাৰ ২৮ শতাংশৰ পৰা ১৮ শতাংশলৈ হ্ৰাস কৰা হৈছে। এই ব্যৱস্থাই সমগ্ৰীসমূহ সৰ্বসাধাৰণ গ্ৰাহকৰ বাবে অধিক সুলভ কৰি তোলাৰ লগতে ভাৰতৰ ইলেক্‌ট্রনিক খণ্ডত নতুন গতি দিব বুলি আশা কৰা হৈছে।