স্বচ্ছ শক্তিৰে জনসাধাৰণৰ বিদ্যুতৰ চাহিদা পূৰণ কৰাৰ অৰ্থে চৰকাৰে আৰম্ভ কৰা প্ৰধানমন্ত্ৰী সূৰ্য ঘৰ যোজনাৰ অধীনত ৰাজ্যৰ ৬ হাজাৰ ৫০০টা পৰিয়ালে নিজৰ ঘৰৰ ছাদত সৌৰ পেনেল স্থাপন কৰি বিদ্যুৎ সেৱা লাভ কৰিবলৈ সমৰ্থ হৈছে। মুখ্যমন্ত্রী ড° হিমন্ত বিশ্ব শৰ্মাই সামাজিক মাধ্যমৰ এটা বাৰ্তাত এই কথা উল্লেখ কৰি কয়, যে এই সৌৰ পেনেলৰ জৰিয়তে ২৪ মেগাৱাটতকৈ অধিক শক্তি উৎপাদন কৰিব পৰা যায় ৷ ইয়াৰ ফলত জনসাধাৰণে ৰাহি হোৱা বিদ্যুৎ সঞ্চয়ো সম্ভৱ হৈ উঠিছে বুলি ড° শৰ্মাই প্ৰকাশ কৰিছে।