ভাৰতীয় বতৰ বিজ্ঞান বিভাগে জাৰি কৰা মুষলধাৰ বৰষুণৰ সতর্কবাণীৰ প্ৰতি লক্ষ্য ৰাখি উত্তৰাখণ্ডত চলি থকা চাৰ ধাম যাত্ৰা আজি স্থগিত ৰখা হৈছে। পৰহি সন্ধিয়া গড়ৱাল সংমণ্ডল আয়ুক্ত বিনয় শংকৰ পাণ্ডেই এই সন্দৰ্ভত এটা নিৰ্দেশনা জাৰি কৰি মন্দিৰ অভিমুখী তীর্থযাত্রীসকলক আগবাঢ়ি যোৱাৰ পৰা বিৰত থাকিবলৈ আৰু য’ত আছে তাতেই থাকিবলৈ আহ্বান জনাইছে৷ বৰষুণৰ সম্ভাৱনা আৰু বিভিন্ন পথত হোৱা ভূমিস্খলনৰ পৰিপ্ৰেক্ষিতত ঋষিকেশৰ সিপাৰে যাত্ৰা নকৰিবলৈ তীর্থযাত্রীসকলক আহ্বান জনোৱা হৈছে। বতৰ ফৰকাল হ’লেহে তীর্থযাত্রীসকলক যাত্রা পুনৰ আৰম্ভ কৰিবলৈ পৰামৰ্শ দিয়া হৈছে। পৰহি বতৰ বিজ্ঞান বিভাগে উত্তৰাখণ্ডৰ সকলো জিলাতে দেওবাৰ আৰু সোমবাৰে প্ৰচণ্ডৰ পৰা অতি প্রবল বৃষ্টিপাতৰ সম্ভাৱনাৰ প্ৰতি লক্ষ্য ৰাখি সতর্কবাণী জাৰি কৰিছিল।