নৰেন্দ্ৰ মোদী চৰকাৰৰ ১১ বছৰ সম্পূৰ্ণ হোৱা উপলক্ষে নৰেন্দ্ৰ মোদী এপ্ অথবা নমো এপৰ জৰিয়তে আৰম্ভ কৰা জন-মন সমীক্ষাৰ প্ৰথম দিনতে সমগ্ৰ দেশৰ ৫ লাখৰো অধিক লোকে এই সমীক্ষাৰ জৰিয়তে প্রতিক্রিয়া জনাইছে। প্রধানমন্ত্ৰী নৰেন্দ্ৰ মোদীয়ে কালি দেশবাসীক বিগত ১১ বছৰত দেশৰ বিকাশ যাত্ৰা সন্দৰ্ভত নমো এপৰ জৰিয়তে সমীক্ষাত অংশগ্ৰহণ কৰিবলৈ আহ্বান জনাইছিল। এই সমীক্ষাই জনসাধাৰণৰ সৈতে চৰকাৰক পোনপটীয়াকৈ প্ৰতিক্ৰিয়া আৰু দিহা-পৰামৰ্শ আগবঢ়োৱাৰ মঞ্চ প্ৰদান কৰিছে। দেশৰ বিভিন্ন প্ৰান্তৰ প্ৰতিক্ৰিয়া সংগ্ৰহেৰে এই সমীক্ষাৰ জৰিয়তে জনসাধাৰণৰ মতামত শুনা আৰু ভৱিষ্যতে নীতি প্ৰস্তুত কৰাৰ ক্ষেত্ৰত তেওঁলোকৰ দিহা-পৰামৰ্শ বিবেচনা কৰাটো সুনিশ্চিত কৰা হৈছে। ৫ লাখৰো অধিক প্ৰতিক্ৰিয়াৰে এই সমীক্ষা পোনপটীয়া আৰু ফলপ্ৰসভাৱে জনসাধাৰণৰ সৈতে সংযুক্ত হোৱাৰ গুৰুত্বপূৰ্ণ মঞ্চৰূপে পৰিগণিত হৈছে।