ন্যায়াধীশ যশৱন্ত বাৰ্মাৰ বাসগৃহত নগদ ধন উদ্ধাৰৰ অভিযোগৰ তদন্তৰ বাবে গঠন কৰা তিনিজনীয়া কমিটিখনে দিল্লী উচ্চ ন্যায়ালয়ৰ প্ৰাক্তন ন্যায়াধীশগৰাকীক আঁতৰোৱাৰ ব্যৱস্থা আৰম্ভ কৰাৰ বাবে পৰ্য্যাপ্ত প্রমাণ আছে। পাঞ্জাৱ আৰু হাৰিয়াণা উচ্চ ন্যায়ালয়ৰ মুখ্য ন্যায়াধীশ শীল নাগু, হিমাচল প্রদেশ উচ্চ ন্যায়ালয়ৰ মুখ্য ন্যায়াধীশ জি এছ ছন্ধাৱালিয়া আৰু কৰ্ণাটক উচ্চ ন্যায়ালয়ৰ ন্যায়াধীশ অনু শিৱৰামনক লৈ গঠিত কমিটিখনে ন্যায়াধীশগৰাকীয়ে তেওঁক জগৰীয়া কৰাৰ বাবে অভিসন্ধি ৰচনা কৰা হৈছে বুলি কৰা দাবী খাৰিজ কৰে। প্ৰাপ্ত বাতৰি মতে, ন্যায়াধীশ বাৰ্মাৰ নতুন দিল্লীস্থিত বাসগৃহত ভঁৰালগৃহৰ পৰা নগদ ধন উদ্ধাৰ কৰা হৈছে আৰু দুগৰাকী ঘৰুৱা সহায়কে ভঁৰাল গৃহৰ পৰা পোৰা নোট আঁতৰাইছিল। কমিটিখনে ভঁৰাল গৃহৰ পৰা নগদ ধন উদ্ধাৰ হোৱা ঘটনা সন্দৰ্ভত সিদ্ধান্তত উপনীত হোৱাৰ পাছত ন্যায়াধীশ বাৰ্মাই ইয়াৰ হিচাপ দিব নোৱাৰা বুলি প্ৰকাশ কৰিছে।